“Gjykata vërtetoi se ka rënë përfundimisht nën thundrën e Edi Ramës”.
Kështu e nisi fjalën e tij për mediat jashtë ambienteve të Gjykatës së Apelit të Tiranës, deputeti i Partisë Demokratike, Sali Berisha pasi u komunikuar vendimi për të rikthyer për gjykim në Gjykatën e Shkallës së parë çështjen e “Vulës” së PD.
“Ky vendim ka shënuar një ditë të zezë për pluralizimin dhe demokracinë shqiptare”, tha Bylykbashia duke nënvizuar se kryeministri Edi Rama kërkon që të përjashtojë opozitën nga zgjedhjet.
“Nuk ka asnjë ekuivok. Vendim i marrë në presion të Ramës, presion që ishte dhe sot në sallë. Është vendim për përjashtim të opozitës nga zgjedhjet, është vendim që haptazi ka thyer çdo rregull që deri sot ka vendosur jurisprudenca duke pranuar ankimin e një pale që nuk përbën as minorancë në PD”, shtoi ai.
I pyetur nga gazetarët nëse Berisha do ta pranojë këtë vendim të Apelit dhe se si do të regjistrohet PD-ja në zgjedhje, deputeti u përgjigj duke thënë: “Çdo hap tjetër do bëhet nga organet kolegjiale, të zgjedhura në PD. jo ato që ka përzgjedhur Edi Rama. Do të marrim vendime nga organet e Partisë Demokratike dhe sigurisht populli opozitar ishte sot në shesh”.
