Një person i shpallur në kërkim si i përfshirë në rastin e shfrytëzimit për prostitucion të një vajze 24 vjeçe në Fier, është arrestuar.
I ndaluari së bashku me 3 persona të arrestuarar gjatë operacionit “Imponimi” disa ditë më parë, akuzohet se dhunoi një 24-vjeçare dhe i hoqi asaj lirinë, për 2 muaj, duke e detyruar që të ushtronte prostitucion.
Në pranga u vu Arbër Mehmeti, 33 vjeç, banues në Fier, i akuzuar veprat penale “Heqja e paligjshme e lirisë”, “Shfrytëzimi i prostitucionit” dhe “Mbajtja e lokaleve për prostitucion”.
“33-vjeçari, në bashkëpunim me 3 shtetase tashmë të arrestuara, i kanë hequr lirinë, nëpërmjet kërcënimit dhe dhunës, një 24-vjeçareje dhe e kanë shfrytëzuar atë për prostitucion, për një periudhë dymujore, në banesa me qira dhe në hotele të ndryshme në qytetin e Fierit”, njoftoi policia.
Sipas hetimeve, i riu, i dënuar më parë për vrasje të mbetur në tentativë, rezulton organizator i kësaj veprimtarie kriminale.
