Një shtëpi bari është zbuluar këtë të mërkurë, brenda një vile në Mallkuç të Tiranës, ndërsa janë vënë në pranga 3 shtetas
Konkretisht, janë arrestuar:
– Ervin Prifti, alias E. B., 29 vjeç, banues në Tiranë;
– Artan Muça, 44 vjeç, banues ne fshatin Mallkuç, Fushë-Krujë;
– Gentian Muça, 26 vjeç, banues në fshatin Mallkuç, Fushë-Krujë.
Blutë kanë publikuar edhe pamje nga vila luksoze e përshtatur për kultivim kanabisi.
Në një deklaratë për mediat, drejtori i Policisë Tiranë, Tonin Vocaj ka bërë të ditur se janë sekuestruar 61 kilogramë kanabis gati për shitje të cilat kishin një vlerë prej 100 mijë Eurosh.
Gjithashtu, nga kontrolli u gjetën dhe u sekuestruan pajisje të ndryshme që shërbejnë për kultivimin e kanabisit në ambiente të mbyllura, si: llamba, aspiratorë, ventilatorë, filtra ajrimi etj, një shotgun, municion luftarak, shuma parash, 2 automjete dhe 3 aparate celulare.
Nga verifikimet e kryera ka rezultuar se 3 të arrestuarit, pasi kultivonin kanabis në banesën e shtetasit Artan Muçës, e paketonin dhe më pas e shisnin atë.
