Ish-ministri i Brendshëm, Fatmir Xhafaj pranoi korrespondencën me Charles Mcgonigal, që u zbulua nga një publikim i grupit “Homeland Justice”.
Në një mesazh që sipas “Homeland” është dërguar në 2021, McGonnigal e quante Xhafjan “miku im” dhe shprehej se mezi pret ta takojë.
Në një deklaratë nga foltorja e Kuvendit këtë të Enjte, Xhafaj tha se marrëdhënia mes tyre nuk shkon më shumë se kjo korrespondecë dhe ai nuk e takuar apo ka folur ndonjëherë me ish-shefin e FBI-së.
Gjatë fjalës së tij, deputeti i PS sulmoi dhe mediat duke aluduar se publikimi i lajmeve që pasqyruan mesazhet mes tij me McGonigal ka “sponsorim të dukshëm politik”.
“Tshti, po i kthehem një përpjekje mediatike me sponsorizim të dukshëm politik për të më lidhur mua personalisht me këtë histori, duke bërë publike një shkëmbim urimi për festat e fundvitit me zotin McGonigal, që për hir të së vërtetës ishte përgjigje e një përshëndetje dhe ftese për takim prej tij. E vërteta në fakt është se unë nuk e kam takuar në asnjë rast, as si ministër në detyrë dhe as pas largimit prej saj zotin McGonigal”, tha Xhafaj.
“Kam pasur tastin të shkoj për disa vizita zyrtare në Shtetin e Bashkuara të Amerikës dhe të takoj ish-eprorë të tij, disa drejtues në detyrë dhe ish-drejtues nga më të lartët në FBI si dhe në Departamentin e Drejtësinë, te DEA e të tjerë. Me një pjesë të së cilëve ruaj ende komunikim, por me zotin MCGonigal në asnjë rast nuk kam pasur asnjë takim, apo komunikim as me zë apo as me figurë. Natyrisht, nëse do të ishin krijuar rrethanat, unë do ta kisha takuar atë. Ai nuk ishte një shkelës ligji atëhere dhe në fakt derisa drejtësia të thotë fjalën e vet, ai nuk është një i tillë as sot, me vendim gjykate”, shtoi.
Duke u ndaluar te akuzat e opozitës, ai tha se lidhja e McGonigal me reformën në drejtësi është një fantazi.
“Është e njëjtë me sulmet barbare dje ndaj Donald Lu dhe sot ndaj Yuri Kim”, u shpreh ish-kreu i komisionit të posaçëm për reformën në drejtësi.
