Talenti 19-vjeçar i Shkëndijës së Tetovës, Reshat Ramadani, ka bërë hapin e madh të karrierës, duke u transferuar te klubi prestigjioz ukraninas, Dinamo Kiev.
Mesfushori i talentuar tetovar kreu pasditen e sotme vizitat mjekësore dhe më pas hodhi firmën mbi kontratën që do ta mbajë në Kiev për 5 vitet e ardhshme. Ky transferim i Ramadanit, është bërë zyrtare dhe nga “Transfermarkt”.
Në arkat e Shkëndijës do të shkojnë rreth 250 mijë euro. Gjithashtu mësohet se Ramadani ka firmosur me një pagë që nis nga 100 mijë euro në sezon.
