Dinamikat e krimeve dhe aksidenteve në vendin tonë sot kanë qenë të pafundme.
Ky fillim muaji ka nisur me tronditje për vendin tonë, ku pas masakrës në Paskuqan, një aksident ka ndodhur pak më para në Korçë.
Ngjarja ndodhi në unazën e qytetit të Korçës në afërsi të lagjes 17. Sipas të dhënave nga policia raportohet për 2 mjete të përplasura.
“Më datë 01.03.2023, rreth orës 20:30, në lagjen nr. 17, në unazën e qytetit, janë përplasur automjeti tip “Benz” me drejtues shtetasin O. R., me automjetin tip “Benz” me drejtues shtetasin Dh. N.
Për pasojë është dëmtuar drejtuesi Dh. N. dhe pasagjeri që udhëtonte në automjetin e tij, të cilët ndodhen në spitalin e Korçës, aktualisht jashtë rrezikut për jetën”, njofton policia.
Aktualisht policia ndodhet në terren dhe po punon për të zbardhur rrethanat e aksidentit.
