Kreu i KQZ-së, Ilirjan Celibashi, në një konferecnë me gazetarët, tha se partitë që nuk dorëzojnë raportin vjetor financiar nuk do përfitojnë fonde për zgjedhjet e 14 majit dhe shtoi më tej se kjo çështje nuk ka të bëjë me vulën e PD-së.
Celibashi shtoi se shpërndarja e fondeve do të bëhet pas datës 31 mars.
“Nuk ka lidhje me çështjen e lidershipit të PD-së. Do të bëjmë shpërndarjen e fondeve pas 31 marsit, pasi kjo është data e fundit që partitë duhet të sjellin raportin financiar për vitin 2022. Kështu parashikohet edhe në Kodin Zgjedhor. Do shohim nëse partitë e kanë sjellë raportin financiar apo jo. Partia që nuk e sjell këtë raport nuk do ta përfitojë këtë fond.
Shpërndarja e fondeve nuk implikon ndonje parti por disa parti. Partia që nuk sjell raporton vjetor nuk përfiton fonde.”- tha Celibashi.
Celibashi tha sot se 1/3 e bashkive nuk e kanë përmbushur detyrimin e tyre për të njoftuar me shkrim zgjedhësit për zgjedhjet lokale të 14 majit. Ai tha se deri tani 21 parti janë regjistruar për të marrë pjesë në zgjedhje, teksa paralajmëroi kryebashkiakët në detyrë që përurimet e investimeve t’i bëjnë pa funksionarët politikë të pranishëm, në të kundërt do të gjobiten.
“21 bashki nuk kanë sjellë asnjë informacion në KQZ në lidhje me procesin e njoftimit me shkrim të çdo zgjedhësi. Në lidhje me kërkesat e partive për tu regjistruar, deri tani kanë paraqitur kërkesën për këto zgjedhje 21 parti politike dhe një komitet nismëtar për një kandidat të mbështetur nga zgjedhësit.” – tha Celibashi.
Celibashti tregoi më tej se fleta e votimit do të ketë edhe emrin e kryetarit të partisë.
Celibashi ka paralajmëruar kryebashkiaket dhe kandidatët potencial për kryetar bashkie që të mos bëjnë përurime të investimeve publike në prezencë të deputetëve apo ministrave.
“Ka disa indicie që ka marrë KQZ në lidhje me atë që ju thatë jemi në proces shqyrtimi të kryere rasteve, por po shfrytëzoj rastin për të thënë që qoftë kryetaret e bashkive, qoftë funksionare publike janë të ushtrojnë kompetencën e tyre në përputhje me ligjin. Por është e dënueshme edhe formalisht nëse këtë aktivitet ata e kryejnë në shoqërinë e drejtuesve politike, deputeteve apo funksionareve të tjerë.
Nëse do të duan të promovojnë arritjet e tyre, ditën e nesërme le të veshin bluzën e partisë politike, pa pjesëmarrjen e stafit dhe nëpunësve të bashkisë, por në rastrin kur shkojnë për punë nuk ka arsye nëse këtë e bëjnë duke shkuar me funksionarë politike, deputet apo kryetar bashkie. Nëse verifikojmë një rast të tillë nuk kemi hezitimi për ti sanksionuar”, tha Celibashi.
