Autoritetet Britanike kanë arrestuar katër persona pasi dyshohet se kanë kontrabanduar emigrantë të paligjshëm në Britaninë e Madhe me gomone përmes Belgjikës.
Mediat e huaja shkruajnë se dy shqiptarë, 44 dhe 48 vjeç, në Nottingham dhe një irlandez 46-vjeçar në Aylesbury, Buckinghamshire, u arrestuan nga oficerët e Agjencisë Kombëtare të Krimit ditën e sotme.
Ndërkohë, në Hove u arrestua edhe një 51-vjeçar shqiptar, i dyshuar si bashkëpunëtor në emigracionin e paligjshëm. Hetuesit akuzojnë 3 shqiptarët se kanë blerë një gomone dhe e kanë përdorur atë për udhëtimet nga Belgjika drejt Britanisë, ndërsa emigrantët i zbarkonin në Margate, në Kent.
Të gjithë shqiptarët dyshohet se janë pjesë e një bande që merrej me trafikim klandestinësh. Ky operacion vjen pak pas arrestimit në Belgjikë të dy personave më 30 tetor 2022, të cilët ishin si pjesë e rrjetit. 12 emigrantë, përfshirë një fëmijë, që të gjithë besohet të jenë shtetas shqiptarë, u morën gjithashtu në paraburgim nga autoritetet belge.
🚨WATCH🚨 Four people were arrested in Nottingham, Aylesbury and Hove this morning as part of an NCA investigation into people smuggling.
Full story ➡️ https://t.co/WBWG3CksFb pic.twitter.com/rew6nAwVA4
— National Crime Agency (NCA) (@NCA_UK) February 28, 2023
