Ish-banorja e “Big Brother Vip”, Kejvina Kthella ka reaguar ashpër ndaj Robert Aliajt, babait të Kristit. Teksa ishte ende në shtëpi, Kejvina ngacmonte Kristin dhe u duk se mes tyre mund të kishte diçka.
Në atë kohë, Robert Aliaj e konsideroi modelen “jo të denjë” për Kristin. Roberti është shprehur shumë i prerë teksa tha se po ndryshoi mendje Kristi, “mua nuk më ka baba”. Roberti tregoi se i biri është i lidhur jashtë, ku theksoi se ka disa parimet kur bëhet fjalë për personin që do të krijojë familje.
Gjithashtu, në një intervistë të fundit, Aliaj i doli kundër edhe komenteve të Sabianit, babait të Keisit, rreth Kristit, duke i cilësuar si “anadollake dhe mesjetare, që një prind europian nuk duhet t’i bëjë kurrë për fëmijën e tij”.
Të gjitha këto reagime, Kejvina i ka përmbledhur në një postim në Instastory, krahas së cilit shkruan: “Zoti çapaçul Aliaj, ndrysho ngjyrën e manikyrit jo fjalët o Bur”.
