63-vjeçari Agron Xhafa ka dhënë dëshminë e tij lidhur me aksidentin që ndodhi një ditë më parë te kryqëzimi i Tajvanit, ku urbani i Unazës i drejtuar nga Xhafa, mori para 10 automjete.
Në momentet e para pas aksidentit, shoferi i autobusit nuk ka qenë i ndërgjegjshëm, ndërsa mësohet se punonjësve të policisë që mbërritën në vendngjarje mezi u ka treguar emrin.
Shoferi Agron Xhafa përfundoi edhe vetë në spital, aty ku hetuesve mësohet se u tha se vuante nga zemra dhe diabeti, ndërsa ka treguar se nuk është ndjerë mirë që në mëngjes.
“Mbi 20 vjet drejtues autobusi, asnjëherë nuk më ka ndodhur një situatë e tillë në timon. Ditën e ngjarjes nuk jam ndjerë mirë që në mëngjes”,- ka thënë Xhafa.
I vënë në pranga me akuzën e shkeljes së rregullave të qarkullimit rrugor, shoferi pritet të dalë para gjykatës për t’u mësuar me masën e sigurisë
