Një video e re, e filmuar nga një makinë që ndodhej në krahun e majtë të autobusit të linjës së “Unazës” tregon më nga afër aksidentin masiv me 9 të plagosur që u regjistrua pranë stacionit në urën e ish-Bllokut.
Kjo video përforëcon edhe më tepër tezën se përgjegjësisë që bje mbi drejtuesin e mjetit të transportit publik dhe jo 9 shoferët e automjeteve të tjera të përfshira në aksident.
Imazhet tregojnë se makina tip “Porsche” që përfundoi mbi trotuar dhe e përplasur me një pemë shumë pranë stacionit, është goditur nga pas nga një automjet tip “Benz” që po ashtu është shtyrë nga mjeti tip “Audi”, që ka qenë i pari në radhë i goditur nga autobusi i kompanisë së Nadir Çaushollit.
Autobusi duket qartë që nuk ka ndaluar në stacion dhe po ashtu nuk ka qenë me shpejtësi tepër të lartë, por bie në sy fakti që sapo kalon semaforin në bulevardin “Dëshmorët e Kombit” duket sikur del jashtë kontrollit të shoferit 63-vjeçar Agron Xhafa.
