Një tërmet me magnitudë 5.2 ballë të shkallës Rihter ka goditur sot zonën lindore të Turqisë.
Sipas Institutit Euro-Mesdhetar epiqendra e tërmetit ndodhet 8 kilometra në jugperëndim të qytetit të Malatisë. Thellësia e tërmetit vlerësohet të jetë 5 kilometra.
Kujtojmë se Turqia juglindore dhe Siria veriore u godit më 6 shkurt nga dy tërmete shkatërrimtar të cilët shkaktuan mbi 50 mijë viktima. Ndërsa numri i pasgoditjeve të tërmetit shkatërrimtar të 6 shkurtit ka shkuar në rreth 8 mijë dhe disa prej tyre kanë qenë me magnitudë të fortë.
