Të paktën 45 persona kanë humbur jetën pasi një anije me emigrantë u përmbyt në Itali, pranë bregut të Kalabrisë.
Mediat italiane shkruajnë se numri i viktimave mund të kalojë shifrën 100. Njëkohësisht, raporti provizor flet për 80 të shpëtuar.
Sipas disa të mbijetuarve, thuhet se ishin rreth 180 pasagjerë, ndërsa të tjerë deklarojnë se ishin më shumë se 250.
Mjeti lundrues u përplas me gurë dhe menjëherë më pas u nda në dysh.
Mjekët që në afërsi të Krotons dhanë ndihmën e parë kanë deklaruar se disa nga të shpëtuarit kanë djegie në shumë pjesë të trupit.
Anija ishte nisur nga Smirna katër ditë më parë.
Njëzet e dy të mbijetuar u dërguan në spital (njëmbëdhjetë janë të mitur), njëri prej tyre është në gjendje të rëndë.
