Arabia Saudite ka njoftuar 400 milionë dollarë ndihmë humanitare për Ukrainën pasi ministri i jashtëm i vendit Princi Faisal bin Farhan Al Saud u takua me Zelenskyn dhe zyrtarët e lartë ukrainas më 26 shkurt në Kiev. Vizita ishte e para e një delegacioni zyrtar saudit në Ukrainë që nga vendosja e marrëdhënieve diplomatike midis dy vendeve në 1993.
Sipas kreut të zyrës presidenciale të Ukrainës, Andriy Yermak, Arabia Saudite do t’i japë Ukrainës 100 milionë dollarë ndihmë humanitare dhe 300 milionë dollarë produkte nafte. Al Saud tha gjithashtu se Arabia Saudite mund të luajë një rol si ndërmjetëse e palës së tretë për lirimin e të burgosurve ukrainas të luftës nga Rusia.
Në shtator 2022, komandantët e lartë ukrainas dhe vullnetarët e huaj të kapur nga Rusia gjatë betejës së Mariupolit u liruan në Arabinë Saudite në një operacion top-sekret. “Ne do të vazhdojmë të bashkëpunojmë me miqtë tanë ukrainas për të zgjidhur problemin e luftës, pasi ajo prek jo vetëm Ukrainën, por prek të gjithë botën”, tha Al Saud.
Më 23 shkurt, Arabia Saudite votoi në favor të një rezolute të OKB-së që i bën thirrje Rusisë të ndalojë “armiqësitë në Ukrainë dhe bën thirrje për tërheqjen e forcave të saj”
