Një person është arrestuar lidhur me plagosjen e ndodhur në Vlorë një ditë më parë.
Ai akuzohet se ka qenë prezent në vendngjarje dhe nuk ka bërë kallëzim.
“Nga specialistët për Hetimin e Krimeve të Komisariatit të Policisë Vlorë, në vijim të veprimeve për ngjarjen e ndodhur ditën e djeshme, për të cilën u vu në pranga nga Policia, shtetasi Armando Mustafi, 33 vjeç, i cili pas një konflikti për motive të dobëta, plagosi me mjet prerës (thikë), shtetasin Genci Seriani, 52 vjeç, i cili ndodhet në spital, u bë edhe arrestimi i shtetasit S. J., 50 vjeç, pasi ka rezultuar se ka qenë në vendin e ngjarjes dhe nuk ka kallëzuar krimin”, njoftoi policia.
