Deputeti demokrat njëherësh dhe kandidat i PD-së në zgjedhjet e 14 majit për Bashkinë e Tiranës, Belind Këlliçi vijon takimet e tij me banorë në zona të ndryshme të kryeqytetit.
Gjatë takimeve, Këlliçi u përball me një zonjë tme bindje të majta e cila nuk e fshehu zhgënjimin e saj për mënyrën se si po drejtohet aktualisht bashkia më e madhe e vendit.
“Në zyrat e Erjon Veliajt nuk të pret njeri”, i tha ajo Këlliçit.
Ndërsa ky i fundit u shpreh se korrupsioni na vjedh njëlloj. Trafiku, ajri dhe uji i ndotur na dëmtojnë njëlloj. Ndaj tha ai ne jemi të barabartë edhe më 14 maj, duke e ftuar që ta përdorim për t’u bashkuar dhe jo ndarë.
“Ne jemi bashkëqytetarë pavarësisht opinioneve politike që kemi. Problemet e përditshme të Tiranës i kemi bashkë. Në sportelet e shërbimeve presim njëlloj gjatë. Mungesa e ndriçimit publik na lë në terr njëlloj. Rruga e prishur është e prishur për të gjithë. Mungesa e hapësirave dhe gjelbërimit është mungesë për të gjithë. Korrupsioni na vjedh njëlloj. Trafiku, ajri dhe uji i ndotur na dëmtojnë njëlloj. Ne jemi të barabartë edhe më 14 maj. Kemi secili vetëm një votë. Ta përdorim për t’u bashkuar! Të mos ndahemi! Do të qëndrojmë siç jemi apo do të shohim përpara”, u shpreh kandidati demokrat për bashkinë e Tiranës, Belind Këlliçi.
