Një aksident me një të vdekur dhe një të plagosur ka ndodhur këtë të Shtunë në Kukës.
Një automjet “Volkswagen Passat” në të cilën udhëtonin një çift bashkëshortësh ka dalë nga rruga në aksin Krumë –Kukës, në vendin e quajtur “Qaf Tobli”.
Sipas policisë, dyshohet se drejtuesi ka humbur kontrollin e mjetit.
Si pasojë e daljes nga rruga të automjetit, ka humbur jetën bashkëshortja e drejtuesit të mjetit, shtetasja F. S., 61 vjeçe.
Ndërkohë, shoferi është dërguar në spitalin e Kukësit për ndihmë mjekësore.
Grupi hetimor po punon për zbardhjen e shkaqeve të aksidentit.
