Një zjarr i fuqishëm ka rënë në qendër të Tiranës në zonën e ish-bllokut.
Sipas raportimeve të para, bëhet me dije se pallati që është përfshirë nga flakët ndodhet mbrapa Presidencës. Dëshmitarët nga vendi i ngjarjes pohojnë mbi 25 minuta që nga rënia e flakëve, asnjë shërbim emergjence nuk ka mbërritur në vendngjarje.
Nga të dhënat paraprake raportohet se nga zjarri janë lënduar dy gra. Banorët e pallatit kanë arritur që duke ndihmuar njëri-tjetrin të zbresin nga godina që gjithashtu është rrethuar nga tymi i madh.
“Rreth orës 12:00, ka rënë zjarr në katin e 6-të të një pallati, në rrugën “Abdyl Frashëri”. Në vendin e ngjarjes kanë shkuar shërbimet e Policisë dhe shërbimet zjarrfikëse. Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes”, njofton policia.
