Dhjetë persona janë arrestuar në Itali, pas një super-grabitje me vlerë 3 milionë euro, që pa një kamion me veshje të firmës “Gucci” dhe “Bottega Veneta” të vidhej në qendrën logjistike të kompanisë së transportit DHL në Pozzuolo Martesana të Milanos.
Hetimet e kryera nga policia kanë nisur pikërisht ditën e grabitjes, teksa padite rreth orës 17:00, “skifterët” arritën në qendrën logjistike të kompanisë së transportit DHL në Pozzuolo Martesana (Milano), duke sjellë me vete dy kamionë dhe një furgon.
Automjetet, me targa të falsifikuara, kanë qëndruar të palëvizura në pritje të një punonjësi të kompanisë, bashkëpunëtor i tyre, për të dhënë sinjalin se mjeti që do të sulmohej ishte gati të dilte nga selia dhe ishte i ngarkuar me 471 veshje dhe aksesorë mode nga markat luksoze Guçi dhe Bottega Veneta.
Pasi mori sinjalin nga bashkëpunëtori i tij, drejtuesi i furgonit u nis i pari përgjatë rrugës, ndërsa dy kamionët u pozicionuan një përpara dhe një pas kamionit që do të sulmonin, sipas modelit “pincer”.
Pasi udhëtoi disa kilometra, kamioni që i parapriu mjetit me ngarkesën që do të grabitej, ngadalësoi shpejtësinë, duke e detyruar korrierin të bënte të njëjtën gjë.
Tre grabitës, në atë moment, të armatosur me armë, hynë në kabinën e korrierit dhe pasi e goditën me tytën e armës, e lidhën me kravata në kabinën pas sediljes së shoferit.
Pasi shoferi u nxorr jashtë loje njëri prej kriminelëve e ka drejtuar mjetin drejt një rruge dytësore, duke vjedhur të gjithë mallin që po transportonte. Kamioni i grabitur, së bashku me shoferin ende të lidhur, u braktisën më pas përmes Lombroso ku ndërhynë oficerët e policisë së stacionit policor të Milanos, ndërsa të dyshuarit transportuan mallin në disa magazina në dispozicion të tyre.
Grabitja kapte vlerën e 3 milionë eurove dhe “plaçka” e vjedhur ishin aksesorë dhe veshje të modës së lartë, Gucci dhe Bottega Veneta.
Një vit e tre muaj më vonë, policia e shtetit dhe ajo e burgjeve, të koordinuara nga prokurori publik i Milanos, arrestuan në orët e para të kësaj të marte 10 persona.
Personat që përfunduan në pranga janë shpallur të gjithë fajtorë për grabitjen e rëndë, të kryer në Milano më 18 nëntor 2021.
