Dhuna e paprecedentë që u ushtrua nga zv/drejtori i Kufirit Dragan Klikoovac, në pikën e kalimit kufitar të Murriqanit ndaj përfaqësuesit të Partisë së Lirisë, Petraq Milo ka marrë më në fund ndëshkimin e merituar.
Mësohet se Klikoovac është është pezulluar nga detyra pasi dhunoi kryetarin e Komisionit për Ekonominë dhe Financat në Partinë e Lirisë, Petraq Milo dhe familjen e tij, duke i nxjerrë zvarrë nga makina, me justifikimin se nuk po respektonin radhën.
Incidenti i rëndë u shënua më 17 janar në Murriqan teksa Milo ka qenë së bashku me familjen e tij kur është nxjerrë me forcë nga makina dhe është dhunuar, ndërsa pamjet bënë xhiron e rrjetit.
Në mediat sociale u publikuan video të momentit kur anëtari i Kryesisë së Partisë së Lirisë u nxorr nga makina me forcë dhe goditej nga efektivët malazezë së bashku me djalin e tij.
