Ish-kryetari i Bashkisë së Vlorës, Gëzim Zilja, ka folur për anijet lundruese në TEC-in e Vlorës
I ftuar në emisionin “Ora e Betit” në RTV Ora tha se nëse do të vihet në punë gjeneratorët e Vlorës “është preludi i katastrofës që do të ndodhë në Vlorë”.
Gëzim Zilja: Para se të vinin gjeneratorët dhe nuk e di pse ju thonë TEC-e lundrues është bërë një propagandë e madhe nga qeveria. Qeveria tha se do të ketë krizë, Balluku u bë ca kohë qesharake teksa tregonte si të përdorim lavatriqen e frigoriferin. Në fakt këta e kishin bërë fshehurazi marrëveshjen. Sot të dy anijet lundruese nuk janë vënë në punë. Nuk janë lidhur me sistemin energjitik. Nëse do të ndodh që të punojnë është preludi i katastrofës që do të ndodhë në Vlorë.
