Deputetja e PL-së, Monika Kryemadhi deklaroi këtë të Hënë se ndaj qytetarëve të cilët takohen me përfaqësues të opozitës ka presion nga pushteti.
“Unë po ndjek këmbë këmbës Belind Këlliçin në fushatë. E dini ju se Këlliçi është bllok edhe në të gjitha televizionet e opozitës? Ka të bëjë me dhunën psikologjike të ushtruar tek qytetaria. Në momentin që mua më shikon me pronarin e lokalit, ta dish që nesër i shkojnë tatimet, task-forcat dhe ua mbyllin bizneset”, tha Kryemadhi në emisionin “5 pyetje nga Babaramo”.
“Kanë arritur deri aty ku u thonë maturantëve se do u rrisin mesataren nëse votojnë Erion Veliajn”, shtoi ajo.
Duke përmendur edhe protestën e sotme të qytetarëve te prokuroria e Tiranës për kenianen Joy, , Kryemadhi tha se kur opozita organizon protesta të tilla për të nxitur hetimet, ka reagime edhe të ndërkombëtarëve të cilët kërkojnë ‘të mos i bëhet presion drejtësisë’.
