Në tribunën e gjykatës së Comos para togave të zeza dolën këtë të hënë 10 shqiptarë, të cilët dyshohen se kanë trafikuar 200 kilogramë marijuanë dhe 6 kilogramë heroinë për në Itali.
Sipas aktakuzës, ndërmjet viteve 2013 dhe 2014 organizata me 16 persona të hetuar nga prokurori publik i Larianës, shumë prej të cilëve banojnë në zonën e Como, dyshohet se kanë trafikuar 200 kilogramë marihuanë dhe 6 kilogramë heroinë, për një vlerë totale prej mbi dy milionë e gjysmë euro.
Droga mbërriti në Como nga Shqipëria e fshehur në kamionë dhe më pas u dërgua në Zvicër me të njëjtat mjete.
Korierët e drogës, kryesisht shoferë kamionësh, merrnin 100 euro për çdo kilogram marihuanë të kaluar përtej kufirit. Tarifa u rrit në 300 euro për çdo kilogram heroinë.
Fiamme Gialle konstatoi se pagesat në Cyrih ishin në franga zvicerane.
Gjykata dha dënime që variojnë nga një vit, në vazhdim të një dënimi të mëparshëm për të njëjtën vepërm deri në 5 vjet.
Në total për 10 anëtarët e bandës janë dhënë 34 vjet e 6 muaj dënim, nga gjyqtari i Gjykatës së Komos.
Ndërkohë, dhjetë të dënuarit kanë negociuar dënimin, ndërsa gjashtë të pandehurit e tjerë do të gjykohen në mënyrë të zakonshme. Të konsideruar si organizatorë të trafikut, ata banojnë në Shqipëri.
