Heroinë në Zvicër, marihuanë në Itali. Një trafik i gjerë, i menaxhuar nga shqiptarë me banim nga Como në Lucca, i zbuluar në vitin 2018 nga Guardia di Finanza i Njësisë së Policisë Ekonomiko-Financiare të Milanos, tashmë ka mbërritur në gjyq.
Të gjithë të dyshuarit ranë dakord për marrëveshje, përveç tre prej tyre: dy të pagjurmueshëm dhe Mariglen Memës, i vrarë në moshën 35-vjeçare me të shtëna kallashnikovi në një lokal në Vlorë, kur po pinte kafe.
Vrasja kishte ndodhur në të njëjtën periudhë në të cilën përfunduan hetimet ndaj tij në Itali: ai u vra nga një bashkatdhetar 33-vjeçar, i njohur në Itali dhe si ai, i përfshirë në trafik droge, i cili pasi doli nga lokali i mori jetën me automatik.
Hetimet, të koordinuara nga zv.prokurori i Como Antonio Nalesso, flisnin për ngarkesa të shumta me lëndë narkotike në Itali dhe Zvicër, me sekuestrime graduale të 450 kilogramëve marihuanë, 10 heroinë dhe 200 të tjera lëndë të destinuara për prerjen e heroinës.
Sipas pretendimeve, të dyshuarit importonin drogë nga Shqipëria për ta rishitur më pas në Itali dhe Zvicër, duke përdorur metoda të koduara komunikimi.
Dënimet më të larta, 5 vjet, ka qënë për 40-vjeçarin Altin Braho, banues në Como dhe për Renato Burrelin, 34 vjeç nga Lucca, i cili ishte ndaluar në Como në nëntor 2013 me 200 kilogramë marihuanë të fshehura në një ndarje të furgonit të tij dhe i dënuar me 4 vjet burg.
Dorian Daku, 52 vjeç, Gentian Prifti, 45 vjeç dhe Arjol Rexhon, 39 vjeç, të dy banues në Shqipëri, i pranuan 4 vjet burg.
