Atletiko Madrid nuk pret më dhe kërkon hetim zyrtar për “Barcagate”. Klubi katalanas rezulton se paguar persona të Komitetit të Gjyqtarëve dhe kjo situatë është vlerësuar si e papranueshme nga klubet e tjera. Por përtej deklaratave dyshuese, asnjë klub nuk kishte kërkuar që të niste hetimin zyrtar nga La Liga.
I pari ka qenë sot Atletiko Madrid, i cili pasi kërkoi që të gjithë klubet të dilnin me një komunikatë të përbashkët dhe mori përgjigje negative nga disa prej tyre, kërkoi zyrtarisht me një komunikatë hapjen e hetimit.
“Qëndrimi ynë është shumë i qartë, është një çështje shumë e rëndë dhe për të mirën e futbollit tonë, duhet të hetohet dhe të sqarohet tërësisht”, shpjegonte deklarata e Atletiko Madrid.
Edhe presidenti i La Liga, Havier Tebas, bëri të qartë sot se mund të hapej një hetim për katalanasit për këtë çështje. “Ka indicie të mjaftueshme që të bëhet një denoncim dhe të niset një hetim”, theksoi ai, pak orë para se Atletiko Madrid të bënte kërkesën zyrtare.
