Ernest Muçi është shndërruar në një protagonist te skuadra e Legias së Varshëves, teksa aktivizohet rregullisht titullar me skuadrën prestigjioze polake.
Talenti shqiptar i shkoi shumë pranë realizimit të një supergoli mbrëmjen e sotme në duelin ndaj Piast Gliuice, ku skuadra e Legias triumfoi me rezultatin 0-1.
Në minutën e 57-të, Muçi, provoi me një predhë me të djathtën nga një distancë e konsiderueshme, teksa topi shkoi vetëm disa centimetra larg shtyllës së djathtë pingule.
Fati duket se nuk ishte me 21-vjeçarin në këtë ndeshje. Ndërkohë për sa i përket statistikave, Muçi në 20 ndeshjet e zhvilluara deri tani me fanellën e Legias në kampionat, ka shënuar 3 gola si dhe ka regjistruar 3 asist. Skuadra e shqiptarit renditet në vendin e dytë në kampionat, me 7 pikë më pak se Rakov i vendit të parë.
