Një aksident ka ndodhur pasditen e kësaj të enjteje në rrugën “Murat Tërbaçi”, në lagjen “Uji i Ftohtë”, në Vlorë.
Në aksident, u përfshi automjeti tip “Benz” dhe një motomjet me drejtues shtetasin D. F., 40 vjeç.
Ky i fundit ndodhet në spital, jashtë rrezikut për jetën. Ndërsa rejtuesi i automjetit është larguar nga vendi i aksidentit.
Grupi hetimor po punon për identifikimin e kapjen e drejtuesit të automjetit dhe përcaktimin e shkaqeve të aksidentit, njoftoi policia.
