Kryeministri Edi Rama e justifikoi mospjesëmarrjen e tij në parlament dhe shmangien e llogaridhënies me argumentin se opozita bën një sjelle të paedukatë.
“Në një situatë zoologjike unë skam punë”, theksoi Rama në një emision televiziv këtë të Enjte.
“E them me keqardhje një situatë zoologjike dhe me një ndjenjë bashkëfajësie se herën e kaluar pretendohej që unë të shkoja, por aty janë dy grupe që s’lënë njeri tjetrin të flasin dhe grupi i tretë e ha. I kam borxh familjeve shqiptare mos të marrë pjesë në degradimin zollogjik”, tha Rama.
Sipas Ramës, deputetët e opozitës kanë zhvilluar “një linjë të gjatë sjelljeje që është në nivelin më të ulët të çdo familjeje që s’ka mundësi të edukojë dhe shumë larg edukatës mesatare të çdo familje”.
“Unë flas për qëndrimin tim, unë do shkoj në Parlament kur e shoh un të arsyeshme”, shtoi ai.
Më tej gjatë intervistës, përdor një fjalor që disa minuta më parë e dënonte.
Teksa pyetet për deklaratat e ish-të dashurës së Charles Mcgonigal se ai dhe ish-agjenti i FBI-së komunikonin përmes një aplikacioni të posaçëm, Rama u shpreh:
“Ajo që thoshte e kam dhjerë fare, ‘I fucked up’ thoshte”…
Ai konfirmoi qëndrimin se s’do pranojë komision hetimor për çështjen “McGonigal”.
“Për cilën çështje? Cila është çështja? Çfarë ka ajo çështje?”, u shpreh me nervozizëm.
