Deputeti demokrat Saimir Korreshi e krahasoi kryeministrin Edi Rama me Koçin, personazhin e komedisë “Zonja nga qyteti”.
Duke folur në parlament, ai kërkoi që Rama të shkojë atje dhe të japë llogari për çështjen McGonigal.
“Të vijë në parlament të japë llogari për çështjen McGonigal dhe jo të bëjë Koçin e Teto Ollgës duke bërë çizme me allçi”, tha deputeti.
Kujtojmë se ditën që opozita protestonte, Rama postoi një video ku shfaqej duke punuar një vazo balte.
Drejtuesja e Kuvendit Ermonela Felaj i kërkoi deputetit demokrat që t’i përmbahet procedurës.
“Pse u mërzite ti? Unë i shkreti kam një orë që pres këtu… kur do vijë kryeministri? Kjo është çështja”, tha Koreshi.
