Ka përfunduar me rezultatin minimal 1 me 0, sfida në stadiumin “Signal Iduna Park”, mes Borussia Dortmund dhe Chelsea, përballje kjo e vlefshme për raundin e 1/16-ve, të kompeticionit më të rëndësishëm evropian për klube, UEFA Champions League.
Pjesa e parë e sfidës pati një dominim total nga gjermanët, megjithatë rastet e tepërta të krijuara nga vendasit u ndalën përpara portierit Kepa.
Me nisjen e pjesës së dytë “blutë” e Londrës u duk sikur rigjetën veten, por Kobel ishte fantastik mbrëmjen e sotme, teksa ka bërë disa herë heroin duke i mohuar djemve të Chelsea, gola të sigurtë.
Goli i vetëm i sfidës do të vinte në minutën e 63’-të nga talenti i sulmit gjerman, Karim Adeyemi, i cili pasi dribloi 4 futbollistë të “bluve” driblon dhe portierin Kepa, duke e çuar topin në portën e boshatisur të kundërshtarëve.
Me këtë fitore Borussia është 1 hap më afër kualifikimit për në raundin tjetër. Ndërkaq, kujtojmë se ndeshja e radhës me 2 klube do të luhet në “Stamford Bridge”, mbrëmjen e 7 marsit.
Dortmund-Chelsea | GOLI I NDESHJES VIDEO
Në ndeshjen tjetër, Benfica triumfoi në transfertë ndaj Club Brugge me rezultatin 0-2.
Ndeshja u zhbllokua nga Joao Mario në minutën e 51-të të pjesës së dytë.
Portugezët përfituan nga një penallti teksa nga 11-metrat mesfushori nuk gaboi dhe i dhuroi fitoren të tijve.
Ndërkohë, dy minuta para fundit të lojës shënoi të dytin Neres me portugezët që hedhin një hap të madh për kualifikimin në çerekfinale nga Benfica teksa ndeshja e radhës luhet më datë 7 mars.
