Kreu i Partisë Republikane, Fatmir Mediu thotë bashkimi i PD është domosdoshmëri dhe jo thjesht çështje numrash.
“Çdo lloj divorci sado i vogël krijon një çarje dhe thyen opinionin publik”, thotë ai.
Ai insistoi se lidershipi politik duhet të gjejë rrugën e bashkëpunimit.
“Është përgjegjësia e lidershipit politik të PD të gjejë rrugën e bashkëpunimit dhe komunikimit.Unë kam punuar prej kohësh me zonjën Tabaku, zotin Bardhi dhe kam parë një vullnet pozitiv të tyre për të ecur drejt një bashkëpunimi politik. Kam diskutuar dhe me zotin Berisha rreth idesë së tyre. Ideja synonte që të kishim një kandidat për kryetar bashkie, një logo dhe një vulë”, tha Mediu në Ora News.
