Një burrë ka tentuar të arratiset nga burgu duke u maskuar si dele. José Luis Callisaya Diaz kishte arritur – megjithëse përkohësisht-të dilte nga burgu Chonchocoro në Bolivi, ku po vuante dënimin për vrasje. Sipas mediave të huaja, ai veshi një xhaketë nga lëkura e deleve në një përpjekje për t’u ‘përzier’ ndërsa zvarritej nëpër fushat aty pranë.
I burgosuri ishte arratisur dhe kishte dalë në bar që më 4 shkurt. Por, pavarësisht përpjekjes për t’u dukur si një kafshë ferme, Diaz u kthye në qeli pasi autoritetet e kapën në flagrancë. Në foton e publikuar, José Luis mund të shihet i shtrirë dhe i veshur me lëkurë deleje, duke imituar kafshën.
