Edi Rama iu shmang për të tretën herë radhazi përballjes me opozitën në Kuvend dhe llogaridhënies për skandalin ku është përfshirë, duke korruptuar ish-zyrtarin e FBI-së, Charles McGonigal.
Debati i sotëm në Parlament ishte tërëësisht i fokusuar te çështja McGonigal dhe nuk munguan përplasjet e ashpra midis ligjëvënësve demokratë e socialist, ndërsa përpara Parlamentit edhe protestohej nga opozita për të njëjtën kauzë.
Të gjithë ishin kuriozë se ku ishte “fshehur” kryeministri i Shqipërisë gjatë kësaj kohe dhe përgjigjen e ka dhënë vetë Rama, me anë të një postimi në Facebook.
Në këtë video të postuar, shefi i qeverisë shihet duke ndezur qirinj për viktimat e shkaktuar nga tërmeti tragjik në Turqi dhe Siri.
Rama shfaqet në ambientet e jashtme të Kryeministrisë, dhe veprimi i tij vjen pasi kjo e hënë u shpall ditë zie nga qeveria shqiptare për t’u sensibilizuar me dhimbjen e popullit turk e sirian, pasi dy tërmetet që goditën zonën kufitare mes tyre shkaktuan mbi 20 mijë viktima.
