Sot do të mbahet seanca e radhës plenare. Parlamenti nis në orën 17:00, ku do të diskutohet për çështje të evidentuara nga zgjedhësit.
E teksa pasdite do të mahetseanca plenare, jashtë saj kreu i Partisë Demokratike, Sali Berisha ka paralajmëruar protestë.
“Revolucioni na fton! Nesër, 13 shkurt ora 17.00, Protestë e madhe para parlamentit!” shkruante Berisha, në një postim ditën e djeshme ku bri thirrje për protestë.
Mbetet për t’u parë se në çfarë kushtet do të zhvillohet sot seanca, pasi dy seancat e mëparshme kanë qenë në kaos me PD që bllokonte foltoren e që kërkonin që në seancë të ishte kryeministri Edi Rama dhe të fliste për çështjen e McGonigal.
Rendi i ditës:
(Neni 44, pika 3 e Rregullores së Kuvendit)
Diskutime për çështje të evidentuara nga zgjedhësit.
(Neni 40/1, pika 4 e Rregullores së Kuvendit)
Diskutime – jo më shumë se 4 orë.
Për sa më sipër, minutazhi për diskutimet është si vijon:
– Grupi parlamentar i partisë Socialiste 129 minuta
– Grupi parlamentar i partisë Demokratike 60 minuta
– Grupi parlamentar “Aleanca për Ndryshim” 12 minuta
– Grupi parlamentar “Drejtësi dhe Integrim” 12 minuta
– Deputetët jashtë grupeve parlamentare
Partia e Lirisë 5 minuta
PSD 5 minuta
Sali Berisha 3 minuta
Edmond Spaho 3 minuta
Flamur Noka 3 minuta
Belind Këlliçi 3 minuta
Oerd Bylykbashi 3 minuta
Agron Shehaj 3 minuta
