Kreu i Grupit Parlamentar të Partisë Socialiste, Taulant Balla i është përgjigjur akuzave të kreut të demokratëve Sali Berishës për të cilin tha se do të përballet në gjyq për shpifje.
Në një takim me demokratët e Tiranës, Berisha para disa ditësh hodhi akuza të forta për Taulant Ballën, për të cilin tha se karrierën e tij e ka nisur si trafikant prostitutash.
Pyetje: Jeni akuzuar shumë kohët e fundit nga kryedemokrati Sali Berisha, keni një përgjigje për të?
Përgjigjet Taulant Balla: “Po, meqë doje ta shtroje dhe këtë çështje, të enjten mbahet seanca e parë, nëse ai njeri u qëndron atyre akuzave, të vijë në GJKKO të enjten. Unë e kam thënë gjithmonë, ky është ilaçi i vetëm. Të bëri tjetri një akuzë, hidhe në gjyq. Ja ta shohim të enjten”.
