Bruno Telushi, mesfushori i Partizanit, insiston se fitorja e sotme ndaj Bylisit mund të jetë një pikë kthese. Mesfushori i të kuqve deklaroi pas duelit se skuadra duhej të tregonte në fushë potencialin që ka nëse synon titullin kampion.
“Shpresoj shumë që pas këtij rezultati që morëm sot, këto tre pikë, të na japin shumë qetësi se të them të drejtën kemi qenë të ngarkuar nga ana psikologjike e kjo na ka ulur shumë pikë edhe te pjesa e forcës. Pas kësaj, do të marrim ndeshjet me radhë, të tregojmë forcën tonë dhe të bëjmë siç bëmë në fillim të sezonit.
Në aspektin personal normalisht që kërkoj të luajë më shumë, dua të luaj më shumë, edhe pse vij nga një dëmtim. Dua të luaj, përshtatem në çdo pozicion që më kërkohet dhe dua të bëj më të mirën time dhe të ndihmoje ekipin e të ecim sa më lart.
Unë marr përgjegjësitë e mia, nuk e them kurrë që ka pasur faj trajneri. Faj kemi të gjithë, e marr përsipër, pavarësisht se kam luajtur shumë pak. Jam shumë i fortë se po të mos isha shumë i fortë, nuk do isha duke luajtur nga dëmtimet. Por jam këtu, dua të jap maksimumin tim, të ndihmoj ekipin sa më shumë. Jam i emocionuar se për këtë fanellë jap shpirtin, nuk e di çfarë them.
Unë flas gjithmonë drejt, ne potencialin e kemi po ta themi me llafe nuk shërben, duhet ta tregojmë në fushë potencialin, këtë grupin që themi shpesh. Këtë vit e kemi nisur më keq se sa duhet sepse për Partizanin kjo është shumë keq, por shpresoj që nga tani e tutje të rregullohemi edhe pikët te pjesa e grupit, sepse këto ndeshje që kemi bërë, tregojnë që grupi është i fortë apo jo.
Ai Partizan i titullit ka qenë ndryshe, ky është ndryshe, futbolli nga ai vit dhe tani ka ndryshuar dhe nuk e di. Edhe ai Partizan ka qenë i fortë, edhe ky, por duhet të japim më shumë në fushë”, tha Telushi për “Oversport” pas duelit.
