Kreu i FRPD Besart Xhaferri ka thënë se protesta e sotme nuk ka skenar dhe nuk ka asgjë të organizaur.
Por sipas tij, sot qytetarët protestojnë për një sërë problematikash, si korrupsioni, shkatërrimi i buxhetit apo edhe mungesa e drejtësisë.
Në një deklaratë për Faxnews, ai paralajmëroi se do të jetë protesta më e madhe e organizuar ndonjëherë.
“Nuk është se ka një skenar, s’ka asgjë të organizuar. Pritshmëria është maksimale, do jetë protesta më e madhe e organizuar ndonjëherë. Iu është sosur durimi, detyra jonë është që ti takojmë dhe të bëjmë një plan se si ta ndryshojmë situatën në Shqipëri. Cdo formë e të protestuarit është paqësore. Sot duhet të protesojmë me fuqinë më të madhe deri në përmbysjen e këtij regjimi. Protestat nuk do ndalen deri sa të largohet Edi Rama. Korrupsioni, shkatërrimi i buxhetit, mungesa e investimeve dhe mungesa e drejtësisë për njerëzit që e kanë kapur prej fyti. Ne na kanë vrarë një brez”– ka thene ai.
