Ditën e sotme mbahey protesta e opozitës. Partia Demokratike, e mbështetur nga Partia e Lirisë, ka thirrur shqiptarët sot në Bulevardin ‘Dëshmorët e Kombit’ në orën 12:00 për të protestuar kundër qeverisë ‘Rama’.
Rreth 1560 simpatizantë të Partisë Demokratike do i bashkohen sot protestës së thirrur nga Sali Berisha.
Nisjet janë bërë prej orës 6:00 të mëngjesit të sotëm ndërsa organizimi ka qenë diskret për shkak të frikës ndaj policisë për ndalim të mjeteve apo masave administrative.
Sipas informacioneve nisja është bërë në pjesën më të madhe me mjete private, ndërsa ka pasur edhe një numër të vogël autobusësh drejt Tiranës.
Përkatësisht, nga Korça nisen 400 demokratë, nga Maliqi dhe Devolli po 400 demokratë, nga Pogradeci 300 demokratë dhe Kolonja 60 demokratë.
