15 persona u arrestuan për çrregullime të dhunshme jashtë hotelit në Merseyside ku strehohen azilkërkuesit
Pesëmbëdhjetë persona janë arrestuar pas skenave të dhunshme që janë zhvilluar jashtë një hoteli ku po qëndronin azilkërkues në zonën e Merseyside, në Britaninë e Madhe.
Clare Moseley, themeluesja e organizatës bamirëse për refugjatët “Care4Calais”, pretendoi se njerëzit që ajo i përshkroi si “të djathtë ekstremistë” i vunë flakën një furgon policie përpara se ai të shpërthente.
Një demonstratë u shndërrua në kaos jashtë hotelit “Suites” në Ribbers Lane, Prescot, të premten në mbrëmje, ndërsa oficerët e policisë u sulmuan me mjete piroteknike dhe armë të ftohta.
Deputeti i Knoësley, Sir George Howarth tha se demonstrata u shkaktua nga “një incident i supozuar në mediat sociale” dhe kritikoi dezinformatat që pretendonin se refugjatët ishin duke fjetur në shtretër me pupla aty brenda.
Clare Moseley, themeluese e organizatës bamirëse për refugjatët Care4Calais, tha se ajo ishte në mesin e deri në 120 njerëzve nga grupet pro-migrante që shkuan në vendngjarje në reagim ndaj protestës për të treguar mbështetje për azilkërkuesit.
Sakaq, 15 personat e arrestuar janë të moshës 13 deri në 54 vjeç. Policia thotë se anëtarëve të grupit të protestës iu bashkuan të tjerë që “ishin të interesuar vetëm të shkaktonin telashe nëpërmjet dhunës dhe frikësimit, pa asnjë mendim, apo kujdes, për anëtarët e tjerë të publikut ose oficerët“.
Pasi mbërriti rreth orës 20:15, policia ndau protestuesit në dy grupet e tyre përkatëse përpara se të shpërthente dhuna.
“Ne u shfaqëm sepse dëgjuam se do të kishte disa njerëz të ekstremit të djathtë atje dhe ne nuk donim që njerëzit në hotel të frikësoheshin apo të ishin vetëm. Por nuk e kishim idenë se sa njerëz po shkonin. për të qenë atje. Isha shumë e shokuar se sa e dhunshme u bë… të shikoja këto lloj skenash në Liverpool, më theu zemrën”, tha Moseley.
Në komente të veçanta për Press Association, Moseley tha se një nga protestuesit kundërshtarë kishte “hipur në majë të furgonit të policisë”.
“Po mundohem të kontaktoj me disa nga burrat e varfër në atë hotel, vetëm mund ta imagjinoj se sa të frikësuar janë. Ishte si një zonë lufte”, shtoi ajo.
