Është zbardhur dëshmia e pesë turqve, që u kapën në Durrës me pasaporta false bullgare.
Gjatë seancës gjyqësore, ata janë shprehur të shqetësuar për familjarët, pasi nuk kanë asnjë informacion lidhur me gjenjden e tyre.
“Jemi nga zona e tërmetit, Kahramanmarash, dhe nuk kemi asnjë njoftim për fatin e familjeve tona atje. Donim të shkonim në Itali. Erdhëm këtej para fatkeqësisë që goditi vendin tonë.” – është dëshmia e turqve para trupës gjykuese, duke u shprehur të shqetësuar për atë që po ndodh në vendin e tyre.
Sot, turqit dhe anglezi, Joshua Smith dolën para gjykatës së Durrësit. Gjykata vendosi t’i lirojë 5 turqit për të cilët caktoi masën “detyrim paraqitjeje” pranë policisë gjyqësore.
Për anglezin u vendos garanci pasurore në vlerën e 2000 eurove për lirimin dhe hetimin në gjendje të lirë.
