Luiz Ejlli është konkurrenti më i fortë i këtij edicioni të “BBV” që ka fituar simpatinë e të gjithë publikut. Që me hyrjen e tij në reality show ai i shprehu pëlqimin Kiara Titos e më pas i vodhi dhe zemrën. Duket se gjërat mes tyre po marrin përmasa më të mëdha dhe Luizi shpesh shprehet se do i propozojë martesë dhe e sheh si nënën e fëmijëve të tij.
Teksa bisedonin në mbrëmje me njëri-tjetrin në shtrat, këngëtari i bëri Kiarës një premtim prekës. Para se të ikin në Maldive (udhëtimi i dhuruar për çiftin nga produksioni i BBV), ata do të ndalen më parë në Shkodër. Kjo pasi Luizi dëshiron ta çojë Kiarën tek varri i babait, për t’i prezantuar nusen.
Këto fjalë e prekën dhe Kiarën, e cila ka treguar edhe më herët që ndihet mirë dhe e vlerëson përkushtimin dhe dashurinë që Luizi i jep çdo moment.
