Autoritetet greke kanë goditur një grup të trafikut të drogës nga Shqipëria për në Greqi. Mediat greke bëjnë me dije se janë sekuestruar më shumë se 30 kilogramë drogë.
Policia e Komotinisë dhe Aleksandroupolit në Rodopi ka ndaluar dy automjete, ku në njërin prej mjeteve janë gjetur dhe sekuestruar në një vend të improvizuar enkas në tavanin e mjetit, 44 pako me 32 kg e 50 gram marijuanë.
Mediat greke raportojnë se mjeti i dytë shërbente për të kontrolluar rrugën. Si pasojë e operacionit janë arrestuar dy meshkuj dhe një femër, të tre shqiptarë.
