Grabitja me dhunë e një shtëpie në lagjen Cure të Firences më 9 janar, ka çuar pas hekurave dy vëllezër shqiptare dhe një grua rumune si bashkëpunëtoren e tyre në krim.
Dy vëllezërit shqiptarë të moshës 25 dhe 40 vjeç dhe gruaja rumune 45 vjeçe janë ndaluar me urdhër të Gjykatës së Firences, ndërsa viktima, siç sqarohet nga Seksioni i Antigrabitjes në skuadrën e policisë, është një tregtare e huaj, i cili është sulmuar gjatë pushimit të drekës.
Ajo u sulmua papritur nga pas nga një burrë që e priste në shkallët e pallatit.
Sulmi ka qenë i përgjakshëm, pasi gruaja është goditur vazhdimisht dhe ajo është penguar të bërtasë pasi një dorë ju vendos sipër gojës.
Më pas grabitësit e kanë futur me forcë në shtëpi dhe kanë dale prej aty me 20 mijë euro para cash, që ishin të ardhurat e dyqanit.
Sakaq vëllai tjetër do ta kishte plagosur me thikë në dorë pronaren, ndërsa më pas të dy do i dëmtuan celularin që ajo të mos telefononte për ndihmë dhe e mbyllën në një dhomë.
Ekipi i hetuesve përmes kamerave të zonës, rikonstruktoi dinamikën e sulmit dhe lëvizjet në rrugë të treshes grabitëse, duke përfshirë edhe bashkëpunëtorin që do të shërbente si ‘shtyllë’.
Më tej është gjetur godina ku kanë shkuar dy grabitësit menjëherë pas krimit. Po atë mbrëmje, një patrullë e Antigrabitjes ka rënë në gjurmët e 40-vjeçarit shqiptar dhe 45-vjeçares rumune në lagje dhe brenda shtëpisë së tyre, që ndodhej në Cure, kishte rreth 13.000 euro para cash dhe një çantë shpine me mjetet e përdorua për grabitje.
