Elon Musk, i ka ofruar shtetit turk një ofertë ndihmuese pas tërmetit tragjik 7.8 ballë që tronditi vendin në orët e para të mëngjesit të sotëm.
Musk ka propozuar të dërgojë një shërbim satelitor por qeveria turke e ka refuzuar këtë ofertë.
Musk tha në Twitter se një nga kompanitë e tij, Space Exploration Technologies Corp., mund të sigurojë komunikimin nëpërmjet rrjetit të Starlink pas një propozimi që iu bë në Twitter nga një shtetas turk, por kjo ofertë nuk është konfirmuar nga qeveria vendase,
Mehmet Emin Adin, MD: Hej Elon Musk një tërmet masiv goditi Turqinë dhe vendet fqinje. Ka mungesa të mëdha komunikimi. A keni ndonjë shans për të ndihmuar me satelitët tuaj Starlink?
Elon Musk: Starlink ende nuk është miratuar nga qeveria turke. SpaceX mund të dërgojë sinjal sapo të miratohet.
Mehmet Emin Adin, MD: Faleminderit! Ata kanë shpallur alarmin e emergjencës. Ky problem mund të zgjidhet së shpejti.
Kufiri mes Turqisë dhe Sirisë është goditur ditën e sotme nga dy tërmete të fuqishme. I pari tronditi banorët rreth orës 04:17 dhe ishte 7.4 ballë. Ndërsa i dyti, 7.7 ballë ndodhi rreth orës 11: 24. Deri më tani, janë shënuar mbi 1300 viktima dhe mbi 5 mijë të plagosur. Lëkundja e parë tronditi banorët rreth orës 04:17 me epiqendër pranë qytetit të Gaziantep. Tërmeti i parë ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin. Ndërtesat u shembën në Kahramanmaraş, Gaziantep, Diyarbakır, Malatya, Şanlıurfa, Adıyaman, Hatay, Adana dhe Osmaniye u shkatërruan. Tashmë ka nisur një operacion kërkim-shpëtimi. Paslëkundjet deri më tani raportohet të kenë qënë mbi 18.
