Bora Zukali, Kryetari i shoqatës Vatra e Shqiptarëve në Stamboll, ka thënë se në qytetin Adana dy pallate ku jetojnë shqiptarë të Sanxhakut janë rrëzuar.
“Në qytetin Adana në atë zonë dy pallate ku jetojnë shqiptarë të sanxhakut janë rrëzuar, disa njerëz janë brenda. Popullin e ka lajmëruar që kush ka mundësi të dhurojë gjak. Spitalet dhe emergjencat janë aktive, edhe disa spitale shtetërore janë rrëzuar. Në disa vende s’ka energji elektrike dhe internet, të gjitha spitalet shtetërore e private janë në emergjencë. Avantazhi është që ka shumë”, tha ai për Panorama TV.
Një tërmet i fuqishëm me magnitudë 7.8 goditi Turqinë jugore dhe Sirinë veriore herët të hënën, duke rrënuar ndërtesa dhe duke vrarë të paktën 1200 njerëz. Me qindra të plagosur, numri i viktimave pritet të rritet ndërsa punonjësit e shpëtimit po kërkojnë nëpër rrënojat në të gjithë zonën.
