Këshilli i Qytetit të Brighton-it kërkon veprim për përdorimin ‘të rrezikshëm’ të hoteleve të emigrantëve
Një javë pasi tre azilkërkues të mitur të zhdukur nga një hotel në Hove u arrestuan për vepra penale që lidhen me trafikun e drogës, këshilli bashkiak i Brighton & Hove ka ngritur zërin për t’i kërkuar qeverisë qendrore që të bëjë më shumë për t’i dhënë fund përdorimit të hoteleve për azilkërkuesit nën moshë.
Zëvendës udhëheqësja e këshillit Hannah Allbrooke tha për BBC se politika ishte “me të vërtetë e rrezikshme dhe jo e përshtatshme“.
Duke folur për “Politics South East”, Allbrooke tha se hotelet ishin “me të vërtetë të rrezikshme dhe nuk janë vendet e përshtatshme për të strehuar azilkërkues të rinj në moshë”.
Ajo shtoi se në total 1,600 fëmijë kishin qendruar nëpër hotele vetëm në Hove, një numër i pamundur për t’u futur në sistemin lokal të kujdesit.
Komentet e saj pasojnë një raport të publikuara në mediat angleze ku nënvizohet se të miturit po rrëmbehen nga një hotel në Brighton, një pretendim ky që qeveria e mohoi.
BBC i është drejtuar Home Office për një koment në lidhje me deklaratën e Këshillit Bashkiak të Brighton, por ende nuk e kanë marrë një të tillë.
“Do të na pushtonin”, tha ajo.
Ndërkohë në janar, këshilli i shkroi Ministrit të Emigracionit Robert Jenrick dhe i tha atij se Home Office kishte “dështuar në detyrën e saj të kujdesit ndaj fëmijëve azilkërkues”.
Rreth 200 fëmijë, kryesisht djem adoleshentë shqiptarë, mbeten të zhdukur nga hotelet ku strehohen azilkërkuesit, ka thënë ndërkohë ministri i Emigracionit në Britani.
Sakaq Allbrooke shtoi se kur azilkërkuesit mbërrijnë në këtë vend, ka shumë trauma dhe ajo që ata kanë nevojë është mbështetja dhe kujdesi.
“Këto hotele nuk po e ofrojnë këtë gjë. Mjerisht ka autoritete lokale, duke përfshirë disa në juglindje, të cilët nuk i marrin në kujdes fëmijët azilkërkues dhe kjo është ajo që do të thotë se ka një numër të madh fëmijësh ende në hotele“, nënvizoi ajo.
Më tej zyrtarja i bëri thirrje qeverisë që “të zgjidhë mungesën e vendosjeve në kujdesin social të fëmijëve dhe të zgjidhë krizën e rekrutimit të punonjësve socialë, dhe atëherë do të jetë më e lehtë për autoritetet lokale t’i marrin këta azilkërkues“.
