Manuel Neuer mbylli sezonin para kohe pasi pësoi një dëmtim në gju dhe iu desh të kryente operim në ligament. Te Bayern Munich u detyruan të marrin Yann Sommer, ndërkohë që kampioni i botës me Gjermaninë në vitin 2014 ka rrëfyer momentin e vështirë.
“Kisha bërë ski qindra herë aty, por u rrëzova për shkak të një guri nën dëborë. Drejtuesit u shokuan kur ua thashë diçka të tillë. Ata nuk më thanë gjë, por kishin rezerva dhe e kuptoj”, tregoi Neuer në intervistën për “The Athletic”.
Portieri i njohur vijoi me rrëfimin e tij, duke shtuar: “Shokëve të skuadrës u kërkova falje në grupin e Whatsapp që kemi”. Gjatë kësaj periudhe ka pasur edhe një ngjarje tjetër te Bayern Munich.
Toni Tapalovic, trajneri i portierëve, u shkarkua dhe mediat në Gjermani shkruan se kjo ndodhi për shkak se ai ndante me futbollistët bisedat që bënte stafi teknik në lidhje me ta.
Neuer kishtë një lidhje të fortë me të dhe deklaroi: “U ndjeva sikur më kishin nxjerrë zemrën nga vendi, ishte gjëja më e keqe që më ka ndodhur në karrierë”
