Deputeti i Partisë Demokratike, Saimir Koreshi ka shpërthyer në akuza ndaj Kuvendit dhe procedurave që u ndoqën javën e kaluar me votimet në seancën plenare, ndërsa nuk i kurseu sulmet ndaj Ramës.
Koreshi tha se kryeministri duhet të ishte i pranishëm dhe të japë “llogari” në seancën plenare referuar implikimit të tij në skandalin “McGonigal”, tashmë i arrestuar në SHBA.
“Kryetare, lidhur me procedurën që ndodhin këtu di që në Konferencën e Kryetarëve keni vendosur që votimi të jetë elektronik. Votimet e radhës së kaluar ishin të turpshme, me kartona apo letra higjienike. Duhet të anulohet votimet e javës së kaluar. Komisioni vendosi që përjashtonte5 deputetë, po pse jo të gjithë? Ne ishim të gjithë atje. Ku është ai palaço sot? Të vijë të na japë llogari për ato lekët që ka dhënë, ai meriton që të quhet palaço cirku”, tha ai.
