Një 25-vjeçar është arrestuar në Berat pasi ishte shpallur në kërkim për ndihmë të kalimit të kufirit të paligjshëm.
Bëhet me dije se i riu me iniciale LL.Z nga Kuçova u kap në flagrancë me 6 emigrantë të paligjshëm në Korçë.
“Specialistët e Sektorit të Qarkullimit Rrugor të Beratit, si rezultat i kontrolleve në akse rrugore, si dhe i bashkëpunimit me Policinë e Korçës, ndaluan shtetasin e shpallur në kërkim LL. Z., 25 vjeç, banues në Kuçovë, i cili u kap teksa drejtonte automjetin, i papajisur me leje drejtimi. 25-vjeçari ishte i kërkuar në kuadër të operacionit “Perimetri 187”, të finalizuar nga DVP Korçë, pasi në bashkëpunim me 2 shtetas të vënë në pranga, transportoi 6 emigrantë, për të kaluar kufirin në kundërshtim me ligjin. Ky shtetas më datë 01.08.2022, braktisi automjetin me të cilin transportonte emigrantët, pasi kishte shkaktuar një aksident me dëme materiale, teksa po i shmangej shërbimeve të Policisë“, njofton policia.
Ndaj shtetasit LL. Z., Gjykata e Rrethit Gjyqësor Korçë ka caktuar masën e sigurisë “Arrest në burg”, për veprën penale “Ndihma për kalim të paligjshëm të kufijve”.