Në një seancë plenare të mbushur me debate dhe përplasje të ashpra, ku kryeministri Edi Rama mungoi dhe interpelanca e kërkuar me të për aferën McGanigal dështoi, pasi e drejta e përballjes me opozitën iu delegua Elisa Spiropalit, duket se Partia Demokratike ka shfaqur shenja bashkimi.
Teksa njëzëri të gjithë deputetët kërkuan që Rama të mos fshihet nga përgjegjësitë personale dhe llogaridhënia, nga fotot e sigluara prej Kuvendit shihet se PD është bashkuar për të nisur komisionin hetimor për skandalin e korruptimit të zyrtarit të FBI-së.
Çështja dhe shqetësimi i përbashkët ka mobilizuar deputetët e opozitës, të cilët kanë lënë mënjanë ndasitë mes tyre dhe kanë nisur mbledhjen e firmave për ngritjen e këtij komisioni që do të hetojë lidhjet e Ramës me pagesën 225 mijë euro për McGanigal pas takime në Tiranë dhe Uashington.